នាថ្ងៃព្រហស្បតិ៍ ១៥ កើត ខែមិគសិរ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៨ ខែធ្នូ ឆ្នាំ២០២២ និយ័តករគណនេយ្យនិងសវនកម្ម បានសហការជាមួយ និយ័តករធានារ៉ាប់រងកម្ពុជា រៀបចំសិក្ខាសាលាស្តីពី “ការអនុវត្តស្តង់ដា IFRS 17 សម្រាប់វិស័យធានារ៉ាប់រង” នៅសណ្ឋាគារ រ៉េស៊ីដង់ សុខា ភ្នំពេញ ក្រោមអធិបតីភាពដ៏ខ្ពង់ខ្ពស់ ឯកឧត្តម ប៊ូ ថារិន អគ្គនាយកនិយ័តករគណនេយ្យនិងសវនកម្ម។ សិក្ខាសាលានេះមានការអញ្ជើញចូលរួមពីតំណាងសមាគមធានារ៉ាប់រងកម្ពុជា, ក្រុមហ៊ុនធានារ៉ាប់រង, និយ័តករនិងអង្គភាពក្រោមឱវាទអាជ្ញាធរសេវាហិរញ្ញវត្ថុមិនមែនធនាគារ និងនិស្សិតវិទ្យាស្ថាន CamEd Business School សរុបចំនួនប្រមាណ ១៥០ រូប។ សិក្ខាសាលានេះ នឹងប្រព្រឹត្តទៅ ចំនួន ០២ ថ្ងៃ គឺ ថ្ងៃទី០៨-០៩ ខែធ្នូ ឆ្នាំ២០២២៕