នារសៀលថ្ងៃពុធ ១កើត ខែចេត្រ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២២ ខែមីនា ឆ្នាំ២០២៣ លោក សេង  តុលា អគ្គនាយករង នៃនិយ័តករគណនេយ្យនិងសវនកម្ម តំណាងដ៏ខ្ពង់ខ្ពស់ ឯកឧត្តម ប៊ូ ថារិន អគ្គនាយក និយ័តករគណនេយ្យនិងសវនកម្ម អមដោយថ្នាក់ដឹកនាំ និងមន្រ្តីជំនាញ ន.គ.ស. បានដឹកនាំកិច្ចប្រជុំជាមួយជំនាញការមកពី ធនាគារអភិវឌ្ឍន៍អាស៊ី(ADB) ដើម្បីពិនិត្យ និងពិភាក្សាទៅលើ "វឌ្ឍភាពឆ្ពោះទៅការអនុវត្ត ស្ដង់ដាគណនេយ្យសាធារណៈកម្ពុជាមូលដ្ឋានបង្គរ និងការគ្រប់គ្រង គុណភាពសវនកម្ម" នៅបន្ទប់ប្រជុំធំរបស់និយ័តករគណនេយ្យនិងសវនកម្ម ។