នាព្រឹកថ្ងៃសុក្រ ១១កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៦ មិថុនា  គ.ស.២០២៥  ឯកឧត្តម ប៊ូ ថារិន

អគ្គនាយក នៃនិយ័តករគណនេយ្យ និងសវនកម្ម(ន.គ.ស.) អមដោយ លោកស្រី នាន បូនី អគ្គនាយករង និងមន្រ្តីជំនាញ ន.គ.ស. បានអញ្ជើញចូលរួមកិច្ចប្រជុំបច្ចេកទេសនៃអង្គភាពក្រោមឱវាទអាជ្ញាធរសេវាហិរញ្ញវត្ថុមិនមែនធនាគារ តាមប្រព័ន្ធអនឡាញ(Zoom) ក្រោមអធិបតីភាពដ៏ខ្ពង់ខ្ពស់ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអនុប្រធានក្រុមប្រឹក្សានៃអាជ្ញាធរសេវាហិរញ្ញវត្ថុមិនមែនធនាគារ(អ.ស.ហ.) និងមានការអញ្ជើញចូលរួមពីថ្នាក់ដឹកនាំ និងមន្រ្តីជំនាញនិយ័តករ និងអង្គភាពក្រោមឱវាទ អ.ស.ហ.។ កិច្ចប្រជុំនេះមានគោលបំណង ដើម្បីពិនិត្យ និងផ្តល់យោបល់លើសេចក្ដីព្រាងផែនការមេសម្រាប់ការអភិវឌ្ឍវិស័យមូលបត្រ ឆ្នាំ២០២៥-២០៣៥។