នាព្រឹកថ្ងៃអង្គារ ២ កើត ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២០ ខែមករា ឆ្នាំ២០២៦ វេលាម៉ោង ៩:០០នាទីព្រឹក  ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម ប៊ូ ថារិន អគ្គនាយកនិយ័តករគណនេយ្យនិងសវនកម្ម, លោក ហេង សំណាង អនុប្រធាននាយកដ្ឋានបច្ចេកទេស និង លោក អ៊ិនបូផា អេលីត អនុប្រធានការិយាល័យស្តង់ដាគណនេយ្យសាធារណៈ បានចូលរួម កិច្ចប្រជុំពិភាក្សាស្វែងយល់ពីការអនុវត្តកិច្ចបញ្ជិកាគណនេយ្យ និងនីតិវិធីនៃការគ្រប់គ្រង ការកត់ត្រា និងការតាមដានសន្និធិ របស់សាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច ក្រោមការដឹកនាំដោយ ឯកឧត្តម
ឈាន ហៀង ទីប្រឹក្សាក្រសួងសេដ្ឋកិច្ចនិងហិរញ្ញវត្ថុ ដោយមានការចូលរួមពីតំណាងនាយកដ្ឋានគណនេយ្យ និងតំណាងនាយកដ្ឋានគោលការណ៍គណនេយ្យ និងវិភាគថវិកានៃអគ្គនាយកដ្ឋានរតនាគារជាតិ។