ចាប់ពីថ្ងៃទី២៣ ដល់ថ្ងៃទី២៥ ខែមីនា ឆ្នាំ២០២៦  ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្ដម ប៊ូ ថារិន អគ្គនាយក នៃនិយ័តករគណនេយ្យនិងសវនកម្ម (ន.គ.ស.) លោក ទឹម សត្យា ប្រធាននាយកដ្ឋានកិច្ចការទូទៅ អមដោយ លោក ជ រ័ត្ននា ប្រធានការិយាល័យគ្រប់គ្រងព័ត៌មានវិទ្យានៃ ន.គ.ស.​ បានអញ្ជើញចូលរួម វេទិកាអន្តរជាតិ "Black Swan Summit Australia 2026" នៅសាកលវិទ្យាល័យវេស្ទើនអូស្រ្តាលី ទីក្រុងភើត ប្រទេសអូស្រ្តាលី ក្រោមអធិបតីភាពដ៏ខ្ពង់ខ្ពស់របស់ ឯកឧត្ដម Stephen Dawson រដ្ឋមន្ត្រីទទួលបន្ទុកវិទ្យាសាស្ត្រ នវានុវត្តន៍ និងសេដ្ឋកិច្ចឌីជីថល នៃរដ្ឋាភិបាលអូស្ត្រាលីខាងលិច និងមានការចូលរួមពីអ្នកជំនាញបច្ចេកវិទ្យា អ្នកវិនិយោគ និងអ្នកកំណត់គោលនយោបាយមកពីជាង ៥០ ប្រទេស ដើម្បីពិភាក្សាពីនិន្នាការបច្ចេកវិទ្យា និងទិសដៅអនាគតសេដ្ឋកិច្ចឌីជីថល។
វេទិកានេះផ្ដោតទៅលើប្រធានបទសំខាន់ៗរួមមាន៖
១.ការសិក្សាអំពីនិន្នាការបច្ចេកវិទ្យាថ្មីៗ បញ្ញាសិប្បនិម្មិត, ហិរញ្ញវត្ថុឌីជីថល និងបច្ចេកវិទ្យាហិរញ្ញវត្ថុ៖
   • វិភាគទិន្នន័យធំៗសម្រាប់ការវាយតម្លៃហានិភ័យ
   • កំណត់ល្បឿននៃការគណនាដែលស្មុគស្មាញ 
២.ការស្វែងយល់អំពី Quantum Computing និងសន្តិសុខឌីជីថល
   • អនុវត្តន៍ Quantum algorithms ដើម្បីដោះស្រាយបញ្ហាដែលស្មុគស្មាញ 
   • វិធានការសន្តិសុខដើម្បីការពារទិន្នន័យឌីជីថល
   • ពិនិត្យផលប៉ះពាល់នៃ Quantum computing ទៅលើសេដ្ឋកិច្ច និងហិរញ្ញវត្ថុ
៣. ការពង្រឹងការយល់ដឹងអំពីប្រព័ន្ធការពារទិន្នន័យ
   • វិភាគស្ថានភាពសន្តិសុខឌីជីថល
   • អនុវត្តន៍គោលការណ៍ការអភិបាលកិច្ចទិន្នន័យ និងឯកជនភាពទិន្នន័យ
   • អភិវឌ្ឍន៍ និងអនុវត្តន៍បច្ចេកវិទ្យាការពារទិន្នន័យឌីជីថល 
៤. ការវិភាគនិន្នាការបដិវត្តន៍ទ្រព្យឌីជីថល
   • វិភាគទីផ្សារប្រាក់កាក់ឌីជីថល 
   • ពិនិត្យប្រភពនៃការវិនិយោគ និងហានិភ័យក្នុងឌីជីថល
   • ពិនិត្យទៅលើប្រព័ន្ធសន្តិសុខ និងក្របខ័ណ្ឌច្បាប់ពាក់ព័ន្ធ
៥. ការអនុវត្តភ្នាក់ងារបញ្ញាសប្បនិម្មិត (Agentic AI)
   • ស្វែងយល់អំពីភ្នាក់ងារបញ្ញាសប្បនិម្មិត ដែលអាចគិត, រៀបចំផែនការ និងសម្រេចចិត្តដោយខ្លួនឯង
   • វិធីបញ្ចូលភ្នាក់ងារបញ្ញាសប្បនិម្មិត ចូលទៅក្នុងការងារ ដើម្បីបង្កើនផលិតភាព, កាត់បន្ថយចំណាយ និងគ្រប់គ្រងហានិភ័យ
   • រៀបចំក្របខណ្ឌសុវត្ថិភាព និងការគ្រប់គ្រង