នាថ្ងៃអង្គារ-ពុធ ៦-៧រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤-៥ ខែសីហា គ.ស.២០២៦ នៅសណ្ឋាគារតារាអង្គរ ខេត្តសៀមរាប, ដោយទទួលបានការអនុញ្ញាតដ៏ខ្ពង់ខ្ពស់ ឯកឧត្ដម ប៊ូ ថារិន អគ្គនាយកនិយ័តករគណនេយ្យនិងសវនកម្ម បានចាត់មន្ត្រីបង្គោលទទួលបន្ទុកការតាមដាន ត្រួតពិនិត្យ និងវាយតម្លៃសមិទ្ធកម្ម ចូលរួមវគ្គបណ្តុះបណ្តាលស្តីពី “ការតាមដាន ត្រួតពិនិត្យ និងវាយតម្លៃសមិទ្ធកម្មរបស់ អ.ស.ហ.” ដែលបានប្រព្រឹត្តទៅរយៈពេល ២ថ្ងៃ ក្រោមការរៀបចំដោយអគ្គលេខាធិកាដ្ឋាន អ.ស.ហ. ដោយមានអ្នកឯកទេសផ្នែកវាយតម្លៃជាន់ខ្ពស់មកពីប្រទេសអូស្រ្តាលី ចូលរួមធ្វើជាគ្រូឧទ្ទេស ជូនដល់មន្ត្រីបង្គោលទទួលបន្ទុកការងារតាមដាននិងវាយតម្លៃសមិទ្ធកម្មប្រចាំអង្គភាព ក្រោមឱវាទ អ.ស.ហ.។